1 უფალი მეფობს, სიდიადით შემოსილი; შეიმოსა უფალი და გარს შემოირტყა ძლიერება; დიახ, მტკიცედ დააფუძნა სამყარო და არ შეირყევა.
2 დასაბამიდანაა განმტკიცებული შენი ტახტი; მარადიული ხარ შენ.
3 აიმაღლეს ნაკადებმა, უფალო, ხმა აიმაღლეს ნაკადებმა, აღმართეს ნაკადებმა მოღრიალე ტალღები.
4 მრავალი წყლის, ზღვის მძლავრი ტალღების ხმაზე ძლიერია სიმაღლეებში მყოფი უფალი.
5 სანდოა შენი მოწმობანი, სიწმიდე შეშვენის შენს სახლს, უფალო, სამარადჟამოდ.