1 მიხსენი, უფალო, რადგან აღარ დარჩა ღვთისმოსავი, რადგან გამქრალან ერთგულნი კაცთა მოდგმიდან.
2 ერთიმეორეს ატყუებენ, პირფერი ბაგეებით ორპირულად ლაპარაკობენ;
3 მოსპობს უფალი პირფერ ბაგეებს, ამაყად მოლაპარაკე ენებს,
4 რომლებიც ამბობენ - ჩვენი ენებით ვიმძლავრებთ, ბაგენი ჩვენი ჩვენთანაა, ვინ გვიბატონებს?
5 ჩაგრულთა დარბევისა და გაჭირვებულთა კვნესის გამო აღვდგები, ამბობს უფალი, მივცემ შველას, ვისაც სწყურია იგი.
6 უფლის სიტყვები წმიდა სიტყვებია, მიწის ქურაში გაწმედილი ვერცხლი, შვიდჯერ გადახალისებული.
7 უფალო, შენ დაიცავ მათ, შეინახავ ამ თაობიდან უკუნისამდე.
8 ყოველმხრივ ბოროტნი მიმოდიან, რადგან უღირსნი ამაღლდნენ კაცთა მოდგმიდან.