1 ბაბილონის მდინარეებთან ვისხედით და ვტიროდით, როცა ვიხსენებდით სიონს!
2 მის შუაგულში ძეწნათა შორის ჩამოვკიდეთ ჩვენი ქნარები.
3 რადგან იქ მოგვთხოვეს ჩვენმა დამტყვევებლებმა სიმღერა და მჩაგვრელებმა - მხიარულება: გვიმღერეთო სიონის რომელიმე სიმღერა.
4 უცხო მიწაზე როგორ ვიმღეროთ უფლის სიმღერა?
5 თუ დაგივიწყო შენ, იერუსალიმო, დამივიწყოს მარჯვენამ ჩემმა.
6 სასას მიეკრას ჩემი ენა, თუ არ გაგიხსენო, თუ იერუსალიმი არ დავაყენო ჩემი სიხარულის სათავეში!
7 გაუხსენე უფალო, ედომის შვილებს იერუსალიმის დღე, როცა ამბობდნენ: დაანგრიეთ, დაანგრიეთ ის საძირკვლამდე.
8 ბაბილონის ასულო, გამაპარტახებელო! კურთხეულ იქნება ის, ვინც სამაგიეროს მოგიზღავს.
9 კურთხეულ იქნება ის, ვინც აიღებს და კლდეს მიანარცხებს შენს ჩვილებს.