1 რატომ ტრაბახობ ბოროტებით ძლიერო? ღმერთის წყალობა ჩემთანაა მთელ დღეს.
2 შენი ენა დაღუპვას იზრახავს, სამართებელივით გაქვს გალესილი - სიცრუეს თხზავს.
3 სიკეთეზე მეტად გიყვარს ბოროტება, სიცრუე - სიმართლის თქმაზე მეტად.
4 გიყვარს დამღუპველი სიტყვები, მზაკვარო ენავ;
5 ამიტომ დაგცემს ღმერთი სამუდამოდ, შეგიპყრობს და კარვიდან გაგაძევებს, შენს ფესვს ამოძირკვავს ცოცხალთა ქვეყნიდან.
6 ნახავენ მართალნი და შეშინდებიან, გაიცინებენ მასზე და იტყვიან:
7 აგერ კაცი, რომელმაც ღმერთი არ მიიჩნია თავის სიმაგრედ, არამედ თავისი დიდი სიმდიდრის იმედი ჰქონდა და იმით მაგრდებოდა, როცა სხვებს ანადგურებდა.
8 მე კი _ ღმერთის სახლში ამწვანებულ ზეთისხილის ხესავით ვარ, ღმერთის წყალობაზე ვარ მინდობილი უკუნითი უკუნისამდე.
9 გადიდებ მუდამ შენი საქმეებისთვის. შენს ერთგულთა თვალწინ მივენდობი შენს სახელს, რადგან კეთილია იგი.