1 უფალო, შენი რისხვით ნუ მამხელ და შენი მრისხანებით ნუ დამსჯი.
2 შემიწყალე, უფალო, რადგან უძლური ვარ; განმკურნე, უფალო, რადგან შეძრწუნდნენ ჩემი ძვლები.
3 დიდად შეძრწუნდა სული ჩემი, შენ კი, უფალო, როდემდე?
4 შემობრუნდი, უფალო, გადაარჩინე ჩემი სული და მიხსენი შენი წყალობის გამო.
5 რადგან არ არის შენი ხსენება სიკვდილში; საფლავიდან ქება-დიდებას ვინ მოგიძღვნის?
6 მოვიქანცე ჩემი ვაებით, ყოველღამ ცრემლით ვასველებ ჩემს საწოლს, ვალბობ ჩემს სარეცელს.
7 წუხილით ამომიღამდა თვალები, მოიქანცა ყველა ჩემი მტრის გამო.
8 განმშორდით ყოველი მოქმედი უსამართლობისა, რადგან ისმინა უფალმა ჩემი ქვითინის ხმა.
9 ისმინა უფალმა ჩემი ვედრება; უფალი მიიღებს ჩემს ლოცვას.
10 შერცხვებიან და საშინლად შეძრწუნდებიან ყოველნი მტერნი ჩემნი; უკუიქცევიან მოულოდნელად და შერცხვებიან.