1 ჩემი გაჭირვების ჟამს მოვუხმე უფალს და მიპასუხა.
2 ვთქვი: უფალო, იხსენი ჩემი სული ცრუ ბაგეთაგან, მზაკვარი ენისგან.
3 რას მოგცემს და რას შეგძენს მზაკვარი ენა?
4 მეომრის წამახულ ისარს, წნორნარის ნაკვერჩხლებთან ერთად.
5 ვაი მე, რადგან ვხიზნობ მეშექში და კედარის კარვებში ვბინადრობ.
6 დიდხანს ვცხოვრობდი მშვიდობის მოძულეებთან ერთად.
7 მშვიდობა მსურს, მაგრამ, როცა დავილაპარაკებ, ისინი საომრად ემზადებიან.