1 ისმინე ღმერთო, ჩემი წუხილის ხმა, მტრის შიშისგან დაიცავი ჩემი სიცოცხლე.
2 დამიფარე სიავის მოქმედთა ფარული ზრახვებისგან, სიმრუდის მოქმედთა ამბოხისგან.
3 რომლებმაც მახვილივით აილესეს ენები, მწარე სიტყვას ისარივით მიმიზნებენ,
4 რათა საფარიდან ესროლონ უდანაშაულოს; მოულოდნელად ესვრიან და არ ეშინიათ.
5 ძალას იკრებენ ცუდი საქმისთვის, თათბირობენ მახეების დასაგებად, ამბობენ: ვინ შეამჩნევს?
6 სიმრუდეს იზრახავენ, ამბობენ: კარგად მომზადებული გეგმა გვაქვსო; მართლაც ვერაგია კაცის შინაგანი გულის ზრახვები.
7 მაგრამ ღმერთი ესვრის მათ ისარს, მოულოდნელად დაწყლულდებიან.
8 მათი ენების გამო დაანარცხებს მათ; თავს გააქნევს ყოველი მათი მხილველი.
9 და შეშინდება ყველა კაცი. ილაპარაკებენ ღმერთის საქმეებზე და მის ნამოქმედარს ჩაუკვირდებიან.
10 უფალში გაიხარებს მართალი და მასში ჰპოვებს თავშესაფარს. განდიდდება ყველა გულმართალი.