1 მიყვარს უფალი, რადგან ისმენს ჩემს ხმას და ჩემს ვედრებას.
2 ყური მომაპყრო, ამიტომ ჩემი სიცოცხლის ყოველ დღეს მოვუხმობ მას.
3 გარს შემომერტყნენ სიკვდილის მარწუხები, საფლავის შიში მომადგა, გასაჭირსა და მწუხარებაში ჩავვარდი.
4 და მოვუხმე უფლის სახელს; გევედრები, უფალო, გადაარჩინე ჩემი სიცოცხლე.
5 მოწყალე და მართალია უფალი, შემბრალეა ღმერთი ჩვენი.
6 იცავს უფალი გულუბრალოებს; დავუძლურდი და მან მიშველა მე.
7 დაუბრუნდი სიმშვიდეს, სულო ჩემო, რადგან კეთილად მოგექცა უფალი.
8 რადგან შენ მიხსენი სიკვდილისგან, თვალი ჩემი - ცრემლისგან, და ფეხი ჩემი - წაბორძიკებისგან;
9 ვივლი უფლის წინაშე ცოცხალთა ქვეყანაში.