1 დამიფარე, უფალო, რადგან შენზე ვარ მონდობილი.
2 ვუთხარი უფალს, შენ ხარ ჩემი ბატონი; შენ გარეშე არ არსებობს ჩემი სიკეთე.
3 დედამიწაზე მყოფ წმიდანებთან, რომლებიც დიდებულნი არიან, მათთანაა მთელი ჩემი სიხარული.
4 დარდი გაუმრავლდება, ვინც უცხო ღმერთებისკენ ისწრაფვის. არ შევწირავ მათი სისხლის საღვრელს და არც მათ სახელს მოვიტან ბაგეზე.
5 უფალია წილი ჩემი მემკვიდრეობისა და თასისა; შენს ხელშია ჩემი ხვედრი.
6 ჩემი მამულები მშვენიერ ადგილებში მერგო, სამკვიდროც მოსაწონია ჩემთვის.
7 ვაკურთხებ უფალს, რომ მომცა რჩევა; ღამღამობითაც კი მწვრთნის ჩემი გული.
8 მუდამ ჩემს წინ წარმოვიდგენ უფალს; რადგან ჩემს მარჯვნივ არის, არ წავბორძიკდები.
9 ამიტომ გაიხარა ჩემმა გულმა და ილხინა ღირსებამ ჩემმა; ჩემი სხეულიც უსაფრთხოდ მოისვენებს.
10 რადგან არ მიმატოვებ საფლავში და არც გასახრწნელად გაიმეტებ შენს წმიდას.
11 მასწავლე გზა სიცოცხლისა, სიხარულის სისავსეა შენი სახის წინაშე, შენს მარჯვნივ ყოფნა ნეტარებაა უკუნისამდე.