ბიბლიის მუხლები თემაზე
ღმერთი და ღარიბი
15 მუხლი · დააჭირე მითითებას და წაიკითხე მთელი თავი
- იობი 34:19
ვინ არ ელაქუცება მთავრებს და მდიდარს ღარიბზე მეტად არ თვლის, რადგან ყველანი მისი ხელით არიან შექმნილნი.
- ფსალმუნები 9:18
ვინაიდან სამუდამოდ არ იქნება დავიწყებული ღატაკი, არც ტანჯულთა იმედი დაიღუპება სამარადისოდ.
- ფსალმუნები 68:33
რადგან უსმენს უფალი გაჭირვებულებს და თავის ტყვეებს არ უგულებელყოფს.
- ესაია 41:17
ჩაგრულნი და გაჭირვებულნი წყალს ეძებენ და არ არის; წყურვილისგან უშრებათ ენა. მე, უფალი, ვუპასუხებ და ისრაელის ღმერთი, არ მივატოვებ.
- ფსალმუნები 139:12
ვიცი, რომ უფალი მოისმენს ჩაგრულის საჩივარს და ღარიბს სამართალს გაუჩენს.
- იობი 36:15
ის იხსნის ტანჯულს მისივე ტანჯვით და თრგუნვისას ყურს უხსნის მათ.
- ფსალმუნები 34:10
იტყვის ყოველი ძვალი ჩემი: „უფალო, ვინ არის შენი მსგავსი? შენ იხსნი სუსტს მძლავრისგან, ღარიბს და ღატაკს - მისი მძარცველისგან.
- ფსალმუნები 11:5
ჩაგრულთა დარბევისა და გაჭირვებულთა კვნესის გამო აღვდგები, ამბობს უფალი, მივცემ შველას, ვისაც სწყურია იგი.
- ფსალმუნები 108:31
რადგან მარჯვნივ დაუდგება ღატაკს, რათა იხსნას მისი სული განმკითხველთაგან.
- 1 მეფეთა 2:8
მტვრიდან აღადგენს გლახაკს, სანაგვედან წამოაყენებს მათხოვარს, რათა დასვას დიდებულთა გვერდით; და დიდების ტახტი დაუმკვიდროს მას, რადგან უფლისგანაა დედამიწის საძირკველნი, და მათზე დააფუძნა სამყარო.
- ფსალმუნები 106:41
ღარიბს კი გამოიყვანს სიღატაკიდან და ცხვრის ფარასავით მოაშენებს მის შთამომავალს.
- ფსალმუნები 67:10
შენი სამწყსო დასახლდა იქ; ღმერთო, შენ განუმზადე სიკეთე ღარიბებს.
- ფსალმუნები 145:7
ღასრულებს სამართალს ჩაგრულთათვის, საზრდოს აძლევს დამშეულთ, უფალი ათავისუფლებს ტყვეებს.
- ფსალმუნები 101:17
მოხედავს მიტოვებულთა ლოცვას და არ უკუაგდებს მათ ვედრებას.
- ფსალმუნები 13:6
გლახაკის იმედს დასცინეთ, მაგრამ ღმერთია მისი თავშესაფარი.