მთავარი ›თემები „მ“ ›მკვდართა ყოფიერება

1. იობი 26:5

   აჩრდილები ძრწიან ქვეშეთში, წყლები და მისი მკვიდრნი.

2. იგავნი 11:7

   მოკვდება უმართლო და მისადმი მოლოდინიც კვდება, იღუპება მის შეძლებაზე დამყარებული იმედი.

3. ეკლესიასტე 9:5

   რამეთუ იციან ცოცხლებმა, რომ მოკვდებიან, მკვდრებმა კი აღარაფერი იციან და არც არა გასამრჯელო აქვთ, ვინაიდან დავიწყებულია მათი სახსენებელი.

4. ეკლესიასტე 9:10

   ყოველივე, რასაც შენი ხელი მისწვდება გასაკეთებლად, გააკეთე შენი შეძლებისამებრ, ვინაიდან არაა საქმე, განზრახვა, ცოდნა და სიბრძნე საიქიოს, სადაც შენ მიდიხარ.

5. ეკლესიასტე 6:3-5

   ასი შვილის მამაც რომ გახდეს კაცი და იცოცხლოს მრავალი წელი, რა მრავალიც არ უნდა იყოს ეს, თუ მისი სული სიკეთით არ გამძღარა და საკადრისი დაკრძალვაც არ ჰღირსებია, ვიტყვი: „დედის მუცელს მოწყვეტილი მასზე ბედნიერია! რადგან ამაოდ მოდის და სიბნელეში მიდის, იქ დაიფარება სახელი მისი, თუმცა, არც მზე უნახავს და არც არაფერი გაუგია; ამას მეტი შვება აქვს, ვიდრე იმ კაცს,

6. იობი 21:21

   რადგან რაღაზე ენაღვლება თავისი სახლეული სიკვდილის შემდეგ, როცა მისი თვეების რიცხვი შეწყდება?

7. ფსალმუნები 48:19

   თავისი მამების თაობასთან მივა - ვერასოდეს იხილავს სინათლეს.

8. ფსალმუნები 6:5

   რადგან არ არის შენი ხსენება სიკვდილში; საფლავიდან ქება-დიდებას ვინ მოგიძღვნის?

9. ფსალმუნები 87:12

   განა შეიცნობენ წყვდიადში შენს სასწაულებს და შენს სიმართლეს - დავიწყების ქვეყანაში?

10. ფსალმუნები 30:12

    გულიდან ამომიგდეს, ვითარცა მკვდარი; დამსხვრეულ ჭურჭელს დავემსგავსე.

11. ფსალმუნები 87:5

    მკვდრებს შორის ჩაგდებული, როგორც სამარხში მწოლიარე მოკლულნი, რომლებიც აღარ გახსოვს, რადგან მოკვეთილნი არიან შენი ხელით.

12. ფსალმუნები 87:10-11

    განა მკვდრებისთვის ახდენ სასწაულს? განა მიცვალებულნი წამოდგებიან და შეგაქებენ? განა საფლავში ილაპარაკებენ შენს წყალობაზე და შენს ჭეშმარიტებაზე - აბადონში?

13. ფსალმუნები 113:25

    მკვდრები არ აქებენ უფალს და არც ვინმე სამარეში ჩასული,

14. ესაია 38:18

    რადგან საფლავი ვერ შეგაქებს, სიკვდილი ვერ შეგასხამს ხოტბას და საფლავში ჩამავალნი ვერ დაიმედდებიან შენს ერთგულებაზე.

15. გოდება იერემიასია 3:6

    ბნელში დამასახლა, როგორც საუკუნოდ მკვდარნი.

16. ეზეკიელი 32:28

    შენც ფარაონ, წინადაუცვეთელთა შორის დაილეწები და მახვილით განგმირულებთან ერთად დაწვები.

← ყველა თემა „მ“-ზე