მთავარი ›თემები „ღ“ ›ღვთის გზების ცოდნა

1. ფსალმუნები 26:11

   მიწინამძღვრე, უფალო, შენს გზაზე დამაყენე და სწორ კვალზე გამიძეხი, ჩემი მტრების გამო.

2. გამოსვლა 33:13

   თუ ვპოვე მადლი შენს თვალში, გემუდარები, მაუწყე შენი გზები, რათა შეგიცნო და ვპოვო მადლი შენს თვალში; აჰა, გაითვალისწინე, რომ შენი ერია ეს ხალხი“.

3. ფსალმუნები 85:11

   შენი გზა მასწავლე უფალო და ვივლი შენს ჭეშმარიტებაში. წარმართე ჩემი გული შენი სახელის მოშიშებით.

4. ფსალმუნები 24:4

   შენი გზები შემაცნობინე უფალო და მასწავლე შენი ბილიკები.

5. ესაია 2:3

   მრავალი ხალხი მოვა და იტყვის „მოდით, ავიდეთ უფლის მთაზე, იაკობის ღმერთის სახლში; რათა მან გვასწავლოს თავისი გზები და მისი ბილიკებით ვიაროთ, რადგან სიონიდან გამოვა რჯული და იერუსალიმიდან - უფლის სიტყვა“.

6. მიქა 4:2

   მრავალი ხალხი მოვა და იტყვის „მოდით, ავიდეთ უფლის მთაზე, იაკობის ღმერთის სახლში; რათა მან გვასწავლოს თავისი გზები და ვიაროთ მისი ბილიკებით, რადგან სიონიდან გამოვა რჯული და იერუსალიმიდან - უფლის სიტყვა“.

7. ფსალმუნები 24:9

   თავმდაბალთ სამართალში მიუძღვის და თავის გზას ასწავლის მორჩილთ.

8. მათეს 22:16

   ჰეროდიანებთან ერთად მიუგზავნეს მას თავიანთი მოწაფენი და ჰკითხეს: „მოძღვარო, ვიცით, რომ ჭეშმარიტი ხარ და ჭეშმარიტებით ასწავლი ღმერთის გზას; არავის ერიდები და კაცთა გარეგნობას არ უყურებ.

9. მარკოზის 12:14

   მივიდნენ და უთხრეს: „მოძღვარო, ვიცით, რომ ჭეშმარიტი და ყველას მიმართ მიუკერძოებელი ხარ, რადგან კაცთა გარეგნობას არ უყურებ, არამედ ჭეშმარიტებით ასწავლი ღმერთის გზას. ნებადართულია ვაძლიოთ ხარკი კეისარს თუ არა? მივცეთ თუ არ მივცეთ?

10. ლუკას 20:21

    ჰკითხეს: „მოძღვარო, ვიცით, რომ მართებულად ლაპარაკობ და ასწავლი, მიკერძოებული არ ხარ, არამედ ჭეშმარიტებით ასწავლი ღმერთის გზას.

11. ფსალმუნები 66:2

    რათა შეიცნონ შენი გზები დედამიწაზე და ხსნა შენი - ყველა ერს შორის.

12. ფსალმუნეი 102:7

    უწყა თავისი გზები მოსეს, ისრაელის ძეთ - თავისი საქმენი.

13. იოანეს 14:4

    და სადაც მე მივდივარ, თქვენ იცით ის გზა“.

14. ფსალმუნები 94:10

    ორმოც წელიწადს მაძულებდა თავს ის თაობა და ვთქვი: მცდარი გულის ხალხია, არ იციან ჩემი გზები.

15. ებრაელთა 3:10

    ამიტომ განვრისხდი იმ მოდგმაზე და ვთქვი: მუდამ ცდებიან ისინი გულით, ვერ შეიცნეს ჩემი გზა.

16. იოანეს 14:5

    უთხრა თომამ: „უფალო, არ ვიცით, სად მიდიხარ, და გზა როგორღა გვეცოდინება?

← ყველა თემა „ღ“-ზე