მთავარი ›თემები „დ“ ›დედამიწა ღმერთის კუთვნილებაა

1. მეორე რჯული 10:14

   უფლის, შენი ღმერთის, არის ცანი და ცანი ცათანი, მიწა და ყოველივე, რაც მასზეა.

2. ფსალმუნები 23:1

   უფლისა არის ქვეყნიერება და სავსება მისი, სამყარო და მკვიდრნი მისნი.

3. ფსალმუნები 94:4-5

   მის ხელთაა სიღრმენი მიწისა, და მთების მწვერვალებიც მისია. მისია ზღვა, მან შექმნა იგი; და ხმელეთიც მის ხელთა ქმნილებაა.

4. გამოსვლა 9:29

   უთხრა მას მოსემ: „ქალაქიდან გასვლისას გავიწვდი ხელებს უფლისაკენ, გრგვინვა დაცხრება და სეტყვა აღარ იქნება, რათა გაიგო, რომ უფლისაა ქვეყანა.

5. იესო ნავეს ძე 3:13

   როდესაც კიდობნის, მთელი ქვეყნის უფლის კიდობნის მტვირთელი მღვდლების ფეხის ტერფები ჩადგებიან იორდანეს წყლებში, წყალი გაიპობა: მათ ქვემოთა წყალი ჩაიწრიტება, ზემოდან მომდინარე წყალი კი შეჩერდება და კედლად შედგება.

6. 1 მეფეთა 2:8

   გლახაკს მიწა-მტვრიდან წამოაყენებს, უპოვარს სანაგვიდან აღამაღლებს, რათა დიდებულთა გვერდით დასვას; დიდების ტახტს დაუმკვიდრებს მათ, რადგან უფლისაა დედამიწის საფუძვლები და სამყარო მათზე დაამყარა.

7. 1 ნეშტთა 29:11

   შენია, უფალო, დიდება, ძლიერება, ქება, ძლევა და დიდებულება, ისევე როგორც ყოველივე ცასა და მიწაზე! შენია, უფალო, მეფობა, ყველაზე აღმატებული ხარ მთავრად!

8. ფსალმუნები 46:9

   ხალხთა მთავარნი შეიკრიბნენ აბრაამის ღმერთის ხალხად, რადგან ღმერთისაა ფარნი ქვეყნისანი; ამაღლდა ფრიად!

9. ფსალმუნები 88:11

   შენია ცანი, დედამიწაც შენია; სამყარო და მისი სავსება შენ დააფუძნე.

10. 1 კორინთელთა 10:26

    რადგან „უფლისაა დედამიწა და მთელი მისი სავსება.

← ყველა თემა „დ“-ზე