მთავარი ›თემები „ს“ ›სიბერისადმი დამოკიდებულება

1. ლევიანნი 19:32

   წამოდექი ჭაღარის წინაშე და პატივი ეცი მოხუცებულს; გეშინოდეს შენი ღმერთისა; მე ვარ უფალი.

2. 1 პეტრეს 5:5

   ასევე ახალგაზრდებიც დაემორჩილეთ უხუცესთ და ერთმანეთისადმი მორჩილებით თავმდაბლობა შეიმოსეთ, რადგან ღმერთი ამპარტავნებს ეწინააღმდეგება, თავმდაბლებს კი მადლს ანიჭებს.

3. იობი 29:8

   დამინახავდნენ ყმაწვილები და განზე დგებოდნენ, წამოიმართებოდნენ მოხუცები და ფეხზე იდგნენ;

4. იგავნი 16:31

   ჭაღარა, დიდების გვირგვინია, სიმართლის გზაზე იპოვება იგი.

5. 1 ტიმოთეს 5:1

   ბერიკაცს ნუ შერისხავ, არამედ შეაგონე, როგორც მამა, ყმაწვილკაცები კი - როგორც ძმები,

6. ლევიანნი 19:3

   თავისი დედისა და მამის მოწიწება ჰქონდეს ყველას და დაიცავით ჩემი შაბათები. მე ვარ უფალი, თქვენი ღმერთი.

7. იგავნი 23:22

   უსმინე მამაშენს, რომელმაც გაგაჩინა და ნუ მოიძულებ დედაშენს, როცა მოხუცდება.

8. იობი 32:6-7

   და ილაპარაკა ელიჰუმ, ბუზელი ბარაქელის ძემ: „მე წლებით უმცროსი ვარ, თქვენ კი მოხუცებულნი; ამიტომ მერიდებოდა და მეშინოდა თქვენთვის ჩემი აზრი მეთქვა. ვიფიქრე: უმჯობესია დღეებმა ილაპარაკონ და წლების სიმრავლემ ასწავლოს სიბრძნე.

9. იობი 8:8

   აბა, ჰკითხე გარდასულ თაობას და ყურად იღე მამების სიბრძნე;

10. ფსალმუნები 104:22

    რათა თავისი სურვილისამებრ მოქცეოდა მის თავადებს და განებრძნო მისი მოხუცებულნი.

11. ესაია 3:5

    შეავიწროვებს ხალხი ერთმანეთს და თითოეული თავის მოყვასს, გაუთავხედდება ყმაწვილი მოხუცს და მდაბიო - პატივდებულს.

12. მეორე რჯული 28:50

    ხალხი თავხედი, რომელიც მოხუცს არ მიაგებს პატივს და ყრმას არ შეიწყალებს.

13. იობი 30:1

    ახლა კი დამცინიან ჩემზე უმცროსნი, რომელთა მამებს ჩემი ფარის ძაღლებშიც არ გავრევდი.

14. ესაია 47:6

    განვრისხდი ჩემს ხალხზე, შევბღალე ჩემი სამკვიდრებელი და ხელში გადმოგეცი, შენ კი წყალობა არ გაიმეტე, ფრიად დაუმძიმე მოხუცს უღელი.

15. გოდება იერემიასი 5:12

    მთავრებს ხელებით ჰკიდებენ, უხუცესებს პატივს არ სცემენ.

16. 1 ტიმოთეს 5:17

    ხუცესნი, რომლებიც წესიერად მმართველობენ, ორმაგი პატივის ღირსნი არიან, განსაკუთრებით კი ისინი, ქადაგებითა და დამოძღვრით რომ შრომობენ.

← ყველა თემა „ს“-ზე