მთავარი ›თემები „ღ“ ›ღმერთი მრისხანებს ერთეულებზე

1. გამოსვლა 4:14

   და აღინთო უფლის რისხვა მოსეზე და უთხრა მას: „განა შენი ძმა არ არის ლევიანი აჰარონი? ვიცი, რომ ლაპარაკით ის ილაპარაკებს; და გამოვა იგი შენს შესახვედრად, გიხილავს და გულით გაიხარებს.

2. მეორე რჯული 3:26

   განმირისხდა უფალი თქვენ გამო და არ ისმინა ჩემი; მომიგო უფალმა: „გეკმაროს, ამიერიდან ნუღარ დამელაპარაკები ამ საქმეზე.

3. მეორე რჯული 4:21

   გამირისხდა უფალი თქვენი სიტყვების გამო და დაიფიცა, რომ ვერ გადავლახავ იორდანეს და ვერ შევალ ბარაქიან ქვეყანაში, რომელსაც თქვენი ღმერთი გაძლევთ სამკვიდრებლად.

4. რიცხვნი 12:9

   აღინთო უფლის რისხვა მათზე და განშორდა უფალი.

5. მეორე რჯული 9:20

   ძლიერ განრისხდა აჰარონზე უფალი, განადგურებას უპირებდა; აჰარონისთვისაც ვილოცე მაშინ.

6. 3 მეფეთა 11:9

   განურისხდა უფალი სოლომონს, რადგან გული მიედრიკა თავისი უფლისგან, ისრაელის ღმერთისგან, რომელიც ორჯერ გამოეცხადა მას.

7. იობი 42:7

   მას შემდეგ, რაც წარმოთქვა უფალმა ეს სიტყვები იობის მიმართ, მიმართა უფალმა ელიფაზ თემანელს: „აინთო ჩემი რისხვა შენ მიმართ და შენი ორი მეგობრის მიმართ, რადგან ჩემი მსახური იობივით წრფელად არ ილაპარაკეთ ჩემზე.

8. იობი 16:9

   მისი რისხვა მგლეჯს და მდევნის, კბილებს მიღრჭენს და თვალებს ილესავს ჩემზე მტერი,

9. ფსალმუნები 87:7

   შენი რისხვა დამატყდა თავს და ყველა შენმა ტალღამ ჩემზე გადაიარა.

10. ფსალმუნები 87:16

    თავზე გადამიარა შენმა მრისხანებამ, შენმა შიშის ზარმა გამანადგურა.

11. ეზეკიელი 16:28

    გაგასამართლებ მრუშთა და სისხლისმღვრელთა სამართლით და მოგაწევ გულისწყრომისა და ეჭვიანობის სისხლს.

12. ეკლესიასტე 5:6

    შენს ბაგეთ ცოდვაში ნუ შეაყვანინებ შენს სხეულს და ნურც ანგელოზის წინაშე იტყვი - „შეცდომა იყოო ეს!“ რისთვის განრისხდეს ღმერთი შენს ხმაზე და დააზიანოს შენი ხელის ნაშრომი?

13. მიქა 7:9

    უფლის გულისწყრომას დავითმენ, რადგან შევცოდე მის წინაშე, ვიდრე ჩემს საქმეს არ განიკითხავს და არ გადამიწყვეტს თავის სამართალს; სინათლეში გამომიყვანს და ვიხილავ მის სიმართლეს.

14. ფსალმუნები 6:1

    უფალო, შენი რისხვით ნუ მამხელ და შენი მრისხანებით ნუ დამსჯი.

15. ფსალმუნები 26:9

    ნუ დამიმალავ შენს სახეს და რისხვით ნუ უკუაგდებ შენს მორჩილს, ჩემი შემწე იყავი უწინ, ახლა ხელს ნუ მკრავ და ნუ მიმატოვებ, ჩემი ხსნის ღმერთო.

← ყველა თემა „ღ“-ზე