მთავარი ›თემები „ღ“ ›ღვთის სიყვარულზე მინდობა

1. ფსალმუნები 6:2-4

   შემიწყალე, უფალო, რადგან უძლური ვარ; განმკურნე, უფალო, რადგან შეძრწუნდნენ ჩემი ძვლები. დიდად შეძრწუნდა სული ჩემი, შენ კი, უფალო, როდემდე? შემობრუნდი, უფალო, გადაარჩინე ჩემი სული და მიხსენი შენი წყალობის გამო.

2. ფსალმუნები 41:8

   დღისით გამოგზავნის უფალი თავის წყალობას, და ღამით ვუგალობებ მას, ეს არის ჩემი ლოცვა ჩემი ცოცხალი ღმერთის მიმართ.

3. ესაია 49:15-16

   განა დაივიწყებს ქალი თავის ძუძუმწოვარ შვილს; განა არ შეიბრალებს ძეს თავისი მუცლისას? იმათ რომც დაივიწყონ, მე არ დაგივიწყებ! აჰა, ხელის გულებზე ამოგტვიფრე, შენი ზღუდეები მუდამ ჩემს წინაშეა.

4. ესაია 54:10

   რადგან მთები დაიძვრებიან და ბორცვები შეირყევიან, ჩემი წყალობა კი არ დაიძვრება და ჩემი მშვიდობის აღთქმა არ შეირყევა შენგან, ამბობს უფალი, შენი შემბრალე.

5. იერემია 31:3-4

   შორიდან მეჩვენა უფალი, მითხრა: „სამუდამო სიყვარულით შეგიყვარე, ისრაელ, ამის გამო მიგიახლოვე წყალობით. კვლავ აგაშენებ და აშენდები, ქალწულო ისრაელისა; ისევ მოირთვები შენი ბობღნით და გამოხვალ მოზეიმე მოცეკვავეებში.

← ყველა თემა „ღ“-ზე