მთავარი ›თემები „ც“ ›ცბიერი გულები

1. იერემია 17:9

   ყველაზე ცბიერია გული, გაუსწორებელია, ვინ შეიცნობს მას?

2. იობი 31:33-34

   განა დამიფარავს ჩემი დანაშაული ადამივით, რომ უბეში შემემალა ჩემი შეცოდება? რადგან მზარავდა ხალხის სიმრავლე და საგვარეულოს ზიზღი მაშინებდა, ვდუმდი და კარში არ გავდიოდი.

3. ფსალმუნები 5:9

   რადგან არ არის ჭეშმარიტება მათ ბაგეებზე, ბილწია მათი შიგნეულობა, მათი ხორხი ღია საფლავია, მათი ენები – მაცდუნებელნი.

4. ფსალმუნები 27:3

   ნუ შემაერთებ ბოროტებთან და სიყალბის მქმნელთან, რომელნიც მოყვასებთან მშვიდობიანად ლაპარაკობენ, გულში კი სიავე უდევთ.

5. ფსალმუნები 61:4

   განიზრახავენ მის სიმაღლიდან გადმოგდებას; მიმართავენ სიცრუეს; პირით აკურთხებენ, გულით კი სწყევლიან.

6. იგავნი 6:14

   მანკიერია მისი გული, ბოროტს განიზრახავს ყოველ ჟამს, განხეთქილებას თესავს.

7. იგავნი 23:7

   რადგან რასაც ამბობს, იმას არ ფიქრობს: „ჭამე და სვიო“, გეუბნება, მისი გული კი სხვას ამბობს.

8. იგავნი 26:23-25

   როგორც წიდიანი ვერცხლი თიხის ჭურჭელზე, ისეა ფარისეველი ენა და ბოროტი გული. ენით თავს მოაჩვენებს მტერი, გულში კი მზაკვრობა უდევს. ნუ ენდობი მას, როცა ხმას ინაზებს, რადგან შვიდი სიბილწეა მის გულში.

9. იერემია 22:17

   შენი თვალ-გული კი მხოლოდ ანგარებას ეძებს, უდანაშაულო სისხლისღვრას, ძარცვა-გლეჯასა და ძალადობას.

10. 2 ტიმოთეს 3:13

    ბოროტი ადამიანები და თვითმარქვიები კი კიდევ უფრო უარესს გააკეთებენ, სხვებსაც შეაცდენენ და თავადაც ცდუნდებიან.

11. ფსალმუნები 50:10

    სუფთა გული შეჰქმენი ჩემში, ღმერთო, და წრფელი სული განაახლე ჩემს სხეულში.

12. 2 კორინთელთა 5:17

    მაშასადამე, ის, ვინც ქრისტეშია, ის ახალი ქმნილებაა. ძველი გადავიდა და ახლა ყოველივე ახალია.

← ყველა თემა „ც“-ზე