მთავარი ›თემები „ქ“ ›ქმნილებები მტვრისაგან

1. დაბადება 2:7

   და გამოსახა უფალმა ღმერთმა ადამი მიწის მტვრისაგან და შთაბერა მის ნესტოებს სიცოცხლის სუნთქვა, და იქცა ადამი ცოცხალ არსებად.

2. დაბადება 3:19

   შენი პირის ოფლით ჭამდე პურს, ვიდრე დაუბრუნდები მიწას, რომლიდანაც ხარ აღებული, რადგან მტვერი ხარ და მტვერს დაუბრუნდები.

3. იობი 4:19

   რაღა ითქმის თიხის სახლებში მცხოვრებლებზე, მტვერზე რომ უდგათ საფუძველი, მღილივით რომ იხოცებიან,

4. დაბადება 18:27

   მიუგო მას აბრაამმა: „აჰა, გავბედე უფალთან ლაპარაკი მე, მტვერმა და ნაცარმა:

5. ფსალმუნები 102:13-15

   როგორც მამა შეიწყნარებს შვილებს, ისე შეიწყნარებს უფალი მის მოშიშებს; ვინაიდან უწყის აგებულება ჩვენი, ახსოვს, რომ მტვერი ვართ; ბალახივით არის დღენი კაცისა; ველის ყვავილივით აყვავდება;

6. 1 კორინთელთა 15:47-49

   პირველი კაცი მიწისგანაა და მტვრისაგან, მეორე კაცი – ცისგან. როგორც მიწიერი, ისევე მიწიერნი, და როგორც ზეციერი, ისევე ზეციერნი. და როგორც ვატარებდით მიწიერის ხატებას, ასევე ვატარებთ მომავალში ზეციერის ხატებასაც.

7. ეკლესიასტე 3:20

   ყოველივე ერთი ადგილისკენ მიდის: ყველაფერი მტვერია და ყველაფერი მტვრად იქცევა.

8. ფსალმუნები 103:29

   დაფარავ შენს სახეს – შეძრწუნდებიან, სულს წაართმევ – იხოცებიან, კვლავ მტვრად მიიქცევიან;

9. ფსალმუნები 89:3

   კვლავ მტვრად აქცევ კაცს და ამბობ: დაბრუნდით, ძენო კაცთანო!

10. იობი 34:14-15

    თუ თავისკენ მიაპყრობს თავის გულისყურს, უკანვე წაიღებს თავის სულსა და სუნთქვას, ერთიანად გაწყდება ყოველი ხორციელი და ადამიანი მტვრად მიიქცევა.

11. იობი 10:9

    აბა, გაიხსენე, თიხასავით რომ შემქმენი, და ისევ მტვრად მაქცევ?

12. ესაია 29:5

    მტვრის კორიანტელივით მრავალი მტერი მოგადგება და ბზესავით ურიცხვი – მრისხანე ურდო; უეცრად მოხდება ეს, წამიერად.

← ყველა თემა „ქ“-ზე