მთავარი ›თემები „დ“ ›დროის მართვა

1. ეფესელთა 5:15-17

   მაშ, ფრთხილად მოიქეცით - არა როგორც უგუნურნი, არამედ როგორც ბრძენნი. გამოისყიდეთ დრო, ვინაიდან ბოროტნი არიან დღენი. მაშ, ნუ იქნებით უგუნურები, არამედ შეეცადეთ ჩაწვდეთ, რა არის ღმერთის ნება.

2. კოლოსელთა 4:5

   ბრძნულად მოიქეცით გარეშეთა მიმართ და გამოისყიდეთ დრო.

3. იგავნი 31:25

   ძალითა და ღირსებით არის შემოსილი და უღიმის მომავალს.

4. ფსალმუნები 89:12

   გვასწავლე ჩვენი დღეების დათვლა, რომ გულს სიბრძნე შევძინოთ.

5. იაკობის 1:5

   თუ რომელიმე თქვენგანს აკლია სიბრძნე, სთხოვოს ღმერთს, ყველასათვის უხვად და დაუყვედრებლად მიმცემს, და მიეცემა.

6. 2 კორინთელთა 4:18

   რადგან ჩვენ ვუმზერთ არა ხილულს, არამედ უხილავს. რადგან ხილული დროებითია, ხოლო უხილავი კი – საუკუნო.

7. ეკლესიასტე 3:11

   მან თავის დროზე, ყოველივე მშვენივრად შექმნა; თვით მარადიულობა ჩადო მათ გულებში, თუმცა, თავიდან ბოლომდე მაინც ვერ ჩაწვდება ადამიანი ღვთის ნამოქმედარს.

8. იგავნი 21:5

   ბეჯითის ზრახვანი მხოლოდ მატებისკენაა, დაუდევარი კი გაღატაკდება.

9. იგავნი 6:6-8

   ჭიანჭველასთან მიდი უქნარავ, მის გზებს დააკვირდი, და ჭკუა ისწავლე. არც უფროსი ჰყავს მას, არც ბატონი და არც ზედამხედველი; ზაფხულში იმარაგებს თავის საზრდოს, მკის დროს აგროვებს თავის საკვებს.

10. იგავნი 16:9

    კაცი თავის გულში გეგმავს გზას, ნაბიჯებს კი უფალი წარუმართავს.

11. ფსალმუნები 54:16-17

    მე კი ღმერთს მოვუხმობ და მიშველის უფალი.  საღამოთი, დილით და შუადღით შევევედრები, შევტირებ და მოისმენს ჩემს ხმას.

12. 1 პეტრეს 4:10

    თითოეული იმ ნიჭით ემსახურეთ ერთმანეთს, რაც მიგიღიათ, როგორც შეეფერება ღვთის მრავალგვარი მადლის კარგ მნეს.

← ყველა თემა „დ“-ზე