მთავარი ›თემები „რ“ ›როგორ ვიყო დღეგრძელი

1. ფსალმუნები 33:12

   ვინ არის კაცი, რომელსაც სიცოცხლე სურს და უყვარს დღეგრძელობა სიკეთის სანახავად?

2. მეორე რჯული 25:15

   სრული და სწორი გქონდეს საწონი, სრული და სწორი გქონდეს საწყაო, რათა დღეგრძელი იყო მიწაზე, რომელსაც გაძლევს უფალი, შენი ღმერთი.

3. 1 პეტრეს 3:10

   რადგან ვისაც უყვარს სიცოცხლე და კეთილდღეობის ხილვა, შეიკავოს ენა ბოროტისგან და მისი ბაგეები ნუ იტყვიან მზაკვრულს.

4. მეორე რჯული 4:40

   დაიცავით მისი წესები და მისი მცნებანი, რომელთაც მე გაძლევთ დღეს, რათა კეთილი მოგეგოთ თქვენ და თქვენს ძეებს თქვენს შემდგომ და რათა გაიხანგრძლივოთ დღეები მიწაზე, რომელსაც სამარადისოდ გაძლევთ უფალი, თქვენი ღმერთი.

5. იგავები 10:27

   უფლის შიში სიცოცხლეს ახანგრძლივებს, ბოროტეულთა წლები კი შემოკლდება.

6. გამოსვლა 20:12

   პატივი ეცი მამას და დედას, რათა დღეგრძელი იყო შენს მიწაზე, რომელსაც უფალი ღმერთი გაძლევს.

7. ეფესელთა 6:3

   რათა მოგეცეს სიკეთე და დღეგრძელი იყო დედამიწაზე.

8. იერემია 35:7

   სახლები არ აიშენოთ, ნურც თესლს დათესავთ, ნურც ვენახს გააშენებთო და არც შეიძინოთო! კარვებში იცხოვრეთ მთელი თქვენი დღეების განმავლობაში, რათა დიდხანს იცოცხლოთ იმ მიწაზე, რომელზეც ხიზნობთო!

9. იგავები 4:10

   ისმინე შვილო, მიიღე ჩემი ნათქვამი და გაგიმრავლდება სიცოცხლის წლები.

10. იგავები 3:2

    რადგან დღეგრძელობას, სიცოცხლის წლებს და მშვიდობას შეგმატებენ.

11. იგავები 28:16

    გონიერებას მოკლებული მმართველი უზომოდ გამომძალველია, ანგარების მოძულე კი დღეგრძელი იქნება.

12. იგავები 9:11

    ვინაიდან ჩემით გაგიმრავლდება დღენი და მოგემატება სიცოცხლის წლები.

← ყველა თემა „რ“-ზე