მთავარი ›თემები „ი“ ›იესო, წინასწარმეტყველი

1. მეორე რჯული 18:15

   და წინასწარმეტყველს აღადგენს შენგან, შენს ძმათაგან, ჩემს მსგავსად აღადგენს უფალი, თქვენი ღმერთი; მას უსმინეთ;

2. მეორე რჯული 18:18

   გამოვუყვან მათ თავის ძმათაგან წინასწარმეტყველს შენს მსგავსად, ჩემს სიტყვას ჩავუდებ პირში და ყველაფერს გამოუცხადებს მათ, რასაც ვუბრძანებ.

3. საქმეები 3:22

   ვინაიდან მოსემ თქვა: ჩემს მსგავს წინასწარმეტყველს აღგიდგენთ უფალი, თქვენი ღმერთი, თქვენივე ძმებიდან; გაუგონეთ მას ყველაფერი, რასაც გეტყვით.

4. საქმეები 7:37

   ეს არის მოსე, რომელმაც ისრაელიანებს უთხრა: ღმერთი ჩემს მსგავს წინასწარმეტყველს აღგიდგენთ თქვენს ძმათაგან, მას უსმინეთ!

5. მათეს 21:11

   ხალხი კი ამბობდა: ,,ეს იესოა, წინასწარმეტყველი გალილეის ნაზარეთიდან”.

6. ლუკას 7:16

   ყველანი შიშმა შეიპყრო, ღმერთს ადიდებდნენ და ამბობდნენ: ,,დიდი წინასწარმეტყველი აღდგა ჩვენს შორის და მოინახულა ღმერთმა თავისი ხალხი”.

7. იოანეს 4:19

   დედაკაცმა უთხრა: ,,ბატონო, ვხედავ, რომ წინასწარმეტყველი ხარ.

8. მათეს 21:46

   შეეცადნენ მის შეპყრობას, მაგრამ ხალხისა შეეშინდათ, რადგან წინასწარმეტყველად მიაჩნდათ იგი.

9. იოანეს 1:21

   ჰკითხეს: ,,მაშ, ვინ? ელია ხარ?” მან თქვა: ,,არა ვარ”. ,,წინასწარმეტყველი ხარ?” უპასუხა: ,,არა”.

10. იოანეს 6:14

    მაშინ იესოს მიერ მოხდენილი სასწაულის მხილველმა ხალხმა თქვა: ,,ეს არის ჭეშმარიტად ის წინასწარმეტყველი, რომელიც უნდა მოსულიყო წუთისოფელში”.

11. იოანეს 7:40

    ამ სიტყვების მოსმენისას ხალხიდან ბევრი ამბობდა: ,,ჭეშმარიტად წინასწარმეტყველია იგი”.

12. იოანეს 9:17

    კვლავ ჰკითხეს ბრმას: ,,შენ რას იტყვი მასზე, თვალები რომ აგიხილა?” მან თქვა: ,,წინასწარმეტყველია იგი”.

13. ლუკას 24:19

    ჰკითხა მათ: ,,რა მოხდა?” ხოლო მათ უპასუხეს: ,,იესო ნაზარეველი, რომელიც იყო კაცი წინასწარმეტყველი, საქმითა და სიტყვით ძლიერი ღმერთისა და მთელი ხალხის წინაშე,

14. მარკოზის 6:15

    ერთნი ამბობდნენ: ელიააო; სხვები კი წინასწარმეტყველია, როგორც ერთი წინასწარმეტყველთაგანიო.

15. მარკოზის 8:28

    მათ უთხრეს: ,,იოანე ნათლისმცემელიო, ზოგიც - ელიაო, ზოგი კი - ერთ-ერთი წინასწარმეტყველთაგანიო”.

16. ლუკას 9:8

    ზოგიც - ელია გამოჩნდაო, სხვები - ერთი ძველი წინასწარმეტყველთაგანი აღმდგარაო.

17. ლუკას 9:19

    მიუგეს: ,,ზოგი ამბობს, იოანე ნათლისმცემელიაო; ზოგი ელიად გთვლის, სხვები კი ამბობენ, ვინმე ძველი, აღმდგარი წინასწარმეტყველიაო”.

18. იოანეს 1:25

    მათ ჰკითხეს: ,,მაშ, რაღატომ ნათლავ, თუ არც ქრისტე ხარ, არც ელია, არც წინასწარმეტყველი?

19. იოანეს 7:52

    უპასუხეს: ,,შენც გალილეიდან ხომ არა ხარ? გამოიკვლიე და ნახე, რომ გალილეიდან წინასწარმეტყველი არ აღდგება”.

20. ლუკას 7:39

    ფარისეველმა, რომელმაც იესო მიიწვია, ამის დანახვაზე გაიფიქრა: ,,ეს რომ წინასწარმეტყველი იყოს, შეიტყობდა ვინ და რანაირი დედაკაცი ეხება მას, რადგან ცოდვილია იგი”.

21. ლუკას 4:24

    უთხრა: ,,ჭეშმარიტად გეუბნებით თქვენ, რომ არც ერთი წინასწარმეტყველი არ არის მიღებული თავის სამშობლოში.

22. მათეს 26:68

    და ეუბნებოდნენ: ,,გვიწინასწარმეტყველე ქრისტევ, ვინ დაგარტყა?

23. მარკოზის 14:65

    ზოგიერთებმა ფურთხება დაუწყეს, თვალები აუხვიეს, სცემდნენ და ეუბნებოდნენ: იწინასწარმეტყველეო. მსახურნი კი სახეში ურტყამდნენ.

24. ლუკას 22:64

    თვალები აუხვიეს სახეში სცემდნენ და ეკითხებოდნენ: აბა, იწინასწარმეტყველე, ვინ დაგარტყაო?

← ყველა თემა „ი“-ზე