მთავარი ›თემები „ი“ ›იესო ქრისტეს ყოვლისმცოდნეობა

1. იოანეს 1:48

   ჰკითხა ნათანაელმა: ,,საიდან მიცნობ?” მიუგო იესომ: ,,ვიდრე ფილიპე დაგიძახებდა, ლეღვის ქვეშ მყოფი გიხილე”.

2. იოანეს 13:11

   რადგან იცოდა ვის უნდა გაეცა, ამიტომ თქვა, ყველანი არ ხართო სუფთა.

3. იოანეს 16:30

   ახლა ვიცით, რომ ყველაფერი იცი. და მანამდე იცი, სანამ გკითხავენ რამეს. ამის გამო გვწამს, რომ ღმერთისგან გამოხვედი”.

4. იოანეს 21:17

   ეუბნება მას მესამედ: ,,სიმონ იოანესავ, გიყვარვარ?” დამწუხრდა პეტრე, მესამედ რომ ჰკითხა, გიყვარვარო? უთხრა მას: ,,უფალო, შენ ყველაფერი იცი, იცი, რომ მიყვარხარ!” უთხრა იესომ: ,,აძოვე ჩემი ცხვრები.

5. მათეს 11:27

   ყოველივე ჩემი მამისგან გადმომეცა და არავინ იცნობს ძეს, გარდა მამისა. არც მამას იცნობს ვინმე, გარდა ძისა, და იმისა, ვისაც ძე ინებებს, რომ განუცხადოს.

6. მათეს 22:18

   იესომ იცოდა რა მათი მზაკვრობა, უთხრა მათ: ,,რატომ მცდით, თვალთმაქცნო?

7. მათეს 12:25

   იცოდა იესომ, რას ფიქრობდნენ ისინი და უთხრა მათ: ,,ყოველი სამეფო, თავისი თავის წინააღმდეგ გაყოფილი, გაპარტახდება; და ყოველი ქალაქი ან სახლი, რომელიც თავისი თავის წინააღმდეგ გაიყოფა, ვერ გაძლებს.

8. ლუკას 6:8

   მან იცოდა მათი ზრახვები და უთხრა კაცს, რომელსაც ხელი ჰქონდა გამხმარი: ,,ადექი და გამოდი შუაში!” ისიც ადგა და დადგა შუაში.

9. გამოცხადება 2:23

   სიკვდილით დავხოცავ მის შვილებს და გაიგებს ყველა ეკლესია, რომ მე ვიკვლევ თირკმელებსა და გულებს; და ყოველ თქვენგანს თავისი საქმეების მიხედვით მივუზღავ.

← ყველა თემა „ი“-ზე