მთავარი ›თემები „ც“ ›ცოცხალი არსებების ჯიშები

1. ეზეკიელი 47:10

   დადგებიან მასთან მეთევზეები, ყენ-გადიდან ყენ-ეგლაიმამდე იქნება ბადეთა გასაშლელი ადგილი, იმდენივე გვარის თევზი ექნებათ მათ, როგორც დიდ ზღვაშია, ფრიად მრავალი.

2. დაბადება 1:11-12

   შემდეგ თქვა ღმერთმა: „აღმოაცენოს მიწამ მცენარეული - ბალახი, თესლის მთესველი, ხე ნაყოფიერი - მიწაზე თავისი ჯიშებისამებრ, თესლოვანი ნაყოფის მომტანი“. და იქმნა ასე. აღმოაცენა მიწამ მცენარეული - ბალახი, თესლის მთესველი და ხე ნაყოფიერი, მიწაზე თავისი ჯიშებისამებრ თესლოვანი ნაყოფის მომტანი. და იხილა ღმერთმა, რომ კარგი იყო.

3. დაბადება 1:21

   შექმნა ღმერთმა ზღვის ურჩხულნი და ყოველი სულდგმული, წყალში მცურავი თავისი ჯიშებისამებრ და ყოველი ფრთოსანი თავისი ჯიშებისამებრ. და იხილა ღმერთმა, რომ კარგი იყო.

4. დაბადება 6:20

   ყოველგვარი ფრინველი, ყოველგვარი პირუტყვი, ყოველგვარი ქვეწარმავალი დაწყვილებული მოვა შენთან, რათა გადარჩნენ

5. დაბადება 7:14

   ისინი და ყოველი ცხოველი, ყოველი ქვეწარმავალი, ყოველი ფრინველი, ყოველი ფრთოსანი, თავისი ჯიშებისამებრ.

6. დაბადება 1:25

   შექმნა ღმერთმა მიწის მხეცები თავისი ჯიშებისამებრ, პირუტყვი თავისი ჯიშებისამებრ და ყოველი ქვეწარმავალი თავისი ჯიშებისამებრ. და იხილა ღმერთმა, რომ კარგი იყო.

7. ლევიანნი 11:14

   ძერა, შევარდენი და მათი ჯიშისანი,

8. ლევიანნი 11:15

   ყოველი ყორანი და მისი ჯიშისანი,

9. ლევიანნი 11:16

   სირაქლემა, თოლია, ქორი და მათი ჯიშისანი,

10. მეორე რჯული 14:14-18

    არც ერთი სახის ყორანი, სირაქლემა, ბუ, თოლია, ქორი თავისი გვარებით, კიოტა, ბუკნაჭო, ჭოტი, ვარხვი, ფსოვი, თევზიყლაპია, ყარყატი, ყანჩა თავისი გვარებით, ოფოფი და ღამურა

11. ლევიანნი 11:22

    ესენი შეგიძლიათ ჭამოთ ამათგან: კალია და მისი ჯიშისანი, სოლამი და მისი ჯიშისანი, ხარგოლი და მისი ჯიშისანი, ხაგაბი და მისი ჯიშისანი.

12. ლევიანნი 11:29

    აი, რა არის მიწაზე მხოხავ ქვეწარმავალთაგან თქვენთვის უწმიდური: თხუნელა, თაგვი, ხვლიკი და მათი ჯიშისანი;

← ყველა თემა „ც“-ზე